Abstract
Ҳозирги кунда деменциянинг юқори тарқалиши ўртача 60 ёшдан ошганлар орасида 5-7% ни ташкил қилмоқда. Уларнинг орасида катта ёшдагилар улуши ортиб бораётганлиги сабабли, деменция билан оғриган беморлар сонининг кўпайиши кутилмоқда. Ферри ва унинг ҳамкасблари олиб борган илмий изланишлар натижаларига кўра 2001 йилда дунё бўйлаб деменция билан 24,3 миллион киши бор эди. Бу рақам ҳар 20 йилда икки баравар ошиши башорат қилинган. Шундай қилиб, 2020 йилга келиб, деменция билан касалланган беморларнинг кутилаётган сони 42,3 миллион кишини, 2040 йилда эса 81,1 миллион кишини ташкил қилиши мумкин. Ўн йил ўтгач, Принcе ва унинг ҳамкасблари Феррининг башоратлари амалга ошишини кўрсатди. 2010 йилга келиб дунёда деменция билан оғриган беморлар сони 35,6 миллион кишини ташкил этди. Деменция билан касалланган беморларнинг кутилаётган сони 2030 йилга келиб 65,7 миллион ва 2050 йилга келиб 115,4 миллион кишини ташкил этади.
This work is licensed under a Creative Commons Attribution-NonCommercial 4.0 International License.