HBV РНКСИНИНГ СУРУНКАЛИ ВИРУСЛИ ГЕПАТИТ B КАСАЛЛИГИНИ БАҲОЛАШДАГИ АҲАМИЯТИ

Abstract

Илмий адабиётларга кўра, сурункали гепатит B бутун дунё бўйлаб жигар етишмовчилиги, цирроз ва гепатоцеллюляр карцинома (ГЦК) нинг етакчи этиологик сабабларидан биридир. Бу ҳолатни ҳозирда мавжуд дори воситалари билан бутунлай даволаб бўлмайди, чунки бунга сабаб HBV РНК транскрипцияси учун ишончли намуна бўлган гепатит B вирусининг (ГВ В) ковалент ёпиқ айланма ДНКсининг (кёаДНК) зарарланган гепатоцитларда доимий мавжудлигидир. ГВ В нинг ҳаёт циклини тушунишдаги ажойиб ютуқлар инсон организмидаги ГВ В ҳолатини акс эттирувчи зардоб биомаркерларини аниқлашга имкон берди. Энг яхши ўрганилган ва кенг қўлланиладиган биомаркер - ГВ В ДНК бўлиб, у прегеномик РНК (пгРНК) нинг тескари транскрипциясидан ҳосил бўлади. Бу жараён нуклеокапсид ичида бўлиб ўтади. Зардоб ГВ В ДНК миқдорини аниқлаш касаллик босқичини баҳолаш, жигар билан боғлиқ асоратларни башорат қилиш ва антивирус терапияга бўлган эҳтиёжни аниқлаш учун қўлланилган. Учта потенциал биринчи қатор нуклеотид аналоглари мавжудлиги билан зардоб ГВ В ДНКси терапияни бошлашдан сўнг тезда сезилмас бўлиб қолади ва кўп ҳолларда уни касалликнинг кечишини кейинроқ башорат қилиш воситаси сифатида қўллаб бўлмай қолади. Бу ҳолатда бизга кёаДНК репликақиясини акс эттирувчи янги зардоб биомаркери керак бўлади.