САНОАТ ДИВЕРСИФИКАЦИЯСИ ВА ҲУДУДИЙ ИХТИСОСЛАШУВНИ КУЧАЙТИРИШ БЎЙИЧА УСТУВОР ЙЎНАЛИШЛАР

Abstract

Тармоқлар диверсификациясида юқори технологияли, инновацион соҳа ва тармоқлар энг муҳим драйвер бўла олади. Масалан, АКТ, биотехнология, фармацевтика, электрон асбоб-ускуналар ишлаб чиқариш, қайта тикланадиган энергия манбалари соҳалари. Бу соҳаларда глобал бозорда рақобатбардош маҳсулот ишлаб чиқариш учун илмий-тадқиқот ишлари, малакали кадрлар, технопарклар, бизнес-инкубаторлар ва венчур сармояларга эҳтиёж сезилади. Ўзбекистон шароитида илм-фан салоҳиятини тўлиқ сафарбар этиш (Олий ўқув юртлари, илмий-тадқиқот институтлари) ва хусусий сектор билан ҳамкорлик механизмларини яратиш лозим. Турли ҳудудларда, хусусан, пойтахт Тошкентда, Навоийда, Самарқандда, Фарғона водийсида IT-парклар, илмий-инновацион марказлар ташкил этилиб, мамлакатда технологиялар трансфери жараёнини жадаллаштириш мумкин.