FARIDA AFRO`ZNING “TASBEH – ROSARY – CHETKI” TURKUMIDA VATAN MAVZUSINING IFODALANISHI

Abstract

O`zbek adabiyotida novatorlik deb bemalol ayta oladigan, o`zgacha bir janrning paydo bo`lishi bevosita Farida Afro`z nomi bilan bog`liq. Bu haqida adabiyotshunos olim Qozoqboy Yo`ldoshev quyidagi  fikrlarni  bildirib  o`tadi:  Ma’lumki, “tasbeh”  janri  mumtoz milliy she’riyatimiz tajribasida ham, xalq og`zaki ijodida ham uchramaydi.  To`g`ri, o`zbek poeziyasida uchlik bandlardan tashkil topgan  she’rlar bor edi. Shuningdek, yapon xokkularidan ta’sirlanib yozilgan  uchliklar ham bo`lgan.  Lekin mustaqil  tasbehlardan  iborat butun bir kitob tartib berilishi va har o`ttiz uch tasbeh  bir shodaga tizilib,  yetti she’riy marjon hosil qilinishi milliy poetik tajribamizda bo`lmagan edi”[1]. Ushbu turkumdagi she`rlar biz har kuni uchratadigan, kundalik hayotda ro`y  beradigan hodisalarni aks ettiradi.