O`ZBEKISTONDA RAQAMLI IQTISODIYOTNING AHAMIYATI VA IQTISODIY RIVOJLANISHGA TA`SIRI

Abstract

Raqamli iqtisodiyot – mamlakat uchun iqtisodiy barqarorlikni ta’minlash va ijtimoiy tengsizlikni qisqartirish hamda globallashuv darajasiga tenglashishda asos vazifasini o‘taydi. Oxirgi o‘n yillikda Birlashgan Millatlar Tashkiloti, Jaxon Banki, Iqtisodiy hamkorlik va taraqqiyot tashkiloti, G8 mamlakatlari va boshqa nufuzli xalqaro tashkilotlar tomonidan raqamli iqtisodiyotni rivojlantirish mamlakat taraqqiyotiga qanday ta’sir ko‘rsatishi yuzasidan olib borilayotgan tahliliy tadqiqotlar jamiyat farovonligini ta’minlashdagi dolzarbligini ko‘rsatmoqda. Raqamli texnologiyalarning tez tarqalishi va tobora rivojlanib borishi qamrov doirasining kengayib borishi natijasida, uning iqtisodiyotga ta’siri o‘sib bormoqda. Bu esa raqamli iqtisodiyot mezonlarini o‘lchash, samaradorlik darajasi, YaIM tarkibidagi ulushini aniqlash, raqamli mahsulot va xizmatlar tarkibini shakllantirish, uning konseptual asoslarini belgilash, raqamli iqtisodiyot o‘zgartirayotgan huquqiy-siyosiiy masalalar yuzasidan ko‘plab ilmiy va amaliy ishlarga turtki bo‘lmoqda.