ЛИЦЕНЗИЯ ШАРТНОМАСИДА ҲУДУДИЙЛИК ПРИНЦИПИ

Abstract

Шахсийлаштириш воситаси бўлган товар белгиси фуқаролик муносабатларида мутлақ ҳуқуқ эгасининг товар бозорида мавжудлигини ва у томонидан товар ишлаб чиқарилаётганлигини кўрсатувчи ўзига хос номоддий объект саналади. Ўзбекистонда бозор муносабатларининг кенг йўлга қўйилиши натижасида товар ишлаб чиқариш ривожланди. Бу ўз навбатида товар белгиларини ижтимоий муомалада бўлиш ҳажмининг ҳам ортишига сабаб бўлди. Оқибатда бозорда оммалашган товар белгисининг обрўсидан фойдаланиб, анча истеъмолбоп бўлган маҳсулотни мутлақ ҳуқуқ эгасидан рухсат олган ҳолда товар ишлаб чиқаришга нисбатан бошқа шахсларнинг ҳам қизиқишининг ортишига олиб келди.